Que necesitas?
POEX
Seguimento
A normativa europea establece que os Estados membros deberán facer un seguimento dos programas operativos para examinar a execución e os avances na consecución dos seus obxectivos.
Para iso deben crear comités de seguimento, de acordo co seu marco institucional, xurídico e financeiro.
O Comité de Seguimento do PO Emprego Xuvenil 2014-2020, que se constituíu o 11/03/2015, reunirase polo menos unha vez ao ano e examinará a execución do programa e os avances na consecución dos seus obxectivos.
As funcións do Comité de Seguimento son as seguintes:
- Aprobar o regulamento interno do Comité de Seguimento, así como as modificacións do mesmo, no seu caso.
- Examinar a execución do Programa Operativo, e os avances na consecución dos seus obxectivos. Na súa análise, atenderase aos datos financeiros, aos indicadores comúns e específicos do Programa, en especial aos cambios nos valores dos indicadores de resultados, aos avances na consecución de valores previstos cuantificados e aos fitos definidos no marco de rendemento e, cando cumpra, aos resultados das análises cualitativas.
- Examinar todas as cuestións que afecten o rendemento do Programa, incluídas as conclusións dos exames de rendemento.
- Formular, no seu caso, observacións á Autoridade de Xestión acerca da execución e evolución do Programa, incluídas accións dirixidas a reducir a carga administrativa para os beneficiarios. O Comité fará o seguimento das accións emprendidas por mor das súas observacións.
- Examinar en xeral:
- Os avances na execución do Plan de Avaliación e as medidas tomadas en resposta ás conclusións das avaliacións.
- A aplicación da estratexia de comunicación.
- A execución de plans de acción conxuntos. As accións encamiñadas a promover a igualdade entre mulleres e homes, a igualdade de oportunidades e a non discriminación, incluída a accesibilidade das persoas con discapacidade.
- As accións dirixidas a fomentar o desenvolvemento sustentable.
- Os instrumentos financeiros.
- Toda cuestión que afecte o rendemento do Programa Operativo.
- Examinar e aprobar:
- A metodoloxía e os criterios de selección de operacións do Programa Operativo.
- Os Informes de execución anual e final do Programa Operativo.
- O Plan de Avaliación do Programa Operativo e toda modificación do devandito Plan, tamén cando sexa parte dun Plan de avaliación común.
- A estratexia de comunicación do Programa operativo e toda modificación da mesma.
- Toda proposta da Autoridade de Xestión para modificar o Programa Operativo.
En canto ao seu funcionamento, a normativa comunitaria prevé que cada comité de seguimento adoptará o seu regulamento interno ao que se pode acceder a través do seguinte enlace:
O Estado membro decidirá a composición do comité de seguimento, que estará composto por representantes das autoridades competentes do Estado membro de que se trate e os organismos intermedios e por representantes dos socios, entendidos estes como as autoridades locais, os interlocutores económicos e sociais e representantes da sociedade civil.
Unha das funcións dos comités de seguimento é a de examinar e aprobar os informes de execución anuais e o final dos programas operativos.
Dende 2016 ata 2023 inclusive, os Estados membros presentarán á Comisión un informe anual sobre a execución do programa operativo do exercicio financeiro anterior.
Os informes de execución anuais presentarán a información clave sobre a execución do programa e as súas prioridades en relación cos datos financeiros, os indicadores comúns e específicos do programa operativo e os valores previstos cuantificados. Tamén presentarán un resumo das conclusións de todas as avaliacións do programa operativo dispoñibles durante o exercicio anterior, calquera asunto que afecte ó rendemento do programa, así como as medidas adoptadas.
Os informes de execución anual e final estarán a disposición do público, así como un resumo para o cidadán dos seus contidos.
Informes anuais de execución
Avaliacións
Durante o período de programación as autoridades de xestión deberán realizar avaliacións de cada programa, en especial para estimar a súa eficacia, eficiencia e impacto, de acordo co plan de avaliación establecido, debendo avaliarse, como mínimo unha vez, o xeito en que os Fondos do Marco Estratéxico Común contribuíron aos obxectivos de cada prioridade, en concordancia co establecido no Regulamento (UE) Nº 1303/2013 do Parlamento Europeo e do Consello de 17 de decembro de 2013.
De face ao período 2014-2020 a Comisión Europea impulsa a actividade de avaliación a nivel rexional, nacional e comunitario, especialmente para coñecer o impacto da Política de Cohesión sobre o benestar económico, social e medioambiental dos cidadáns.
As avaliacións serán levadas a cabo por expertos, internos ou externos, funcionalmente independentes das autoridades responsables da execución dos programas. Todas as avaliacións poñeranse a disposición do público.
De acordo co Art. 19.6 do Regulamento (UE) Nº 1304/2013 relativo ao FSE, durante o período de programación se avaliarán como mínimo dúas veces a eficacia, a eficiencia e o impacto do financiamento conxunto do FSE e a asignación específica concedida á Iniciativa de Emprego Xuvenil, tamén para a execución da Garantía Xuvenil. Decidiuse pola Autoridade de xestión do PO Emprego Xuvenil 2014-2020 que a primeira avaliación completarase como moi tarde o 31 de decembro de 2015, e a segunda, como moi tarde o 31 de decembro de 2018.
O Plan Estratéxico Nacional de Avaliación FSE 2014-2020 recolle que, ademais das avaliacións obrigatorias establecidas a través do Regulamento, levaranse a cabo catro avaliacións temáticas: Igualdade de xénero (31 de decembro 2018), Abandono escolar cedo (31 de decembro 2020), Apoio do FSE na creación de emprego de calidade (31 de decembro de 2020) e Inclusión social (31 de decembro 2020).
Todas as avaliacións deberán ser examinadas polo Comité de Seguimento do PO e enviadas á Comisión. Por iniciativa propia, a Comisión poderá facer avaliacións dos programas.
As avaliacións ex-post, que deberán completarse como máximo o 31 de decembro de 2023, serán levadas a cabo pola Comisión ou polos Estados membros, en estreita colaboración.
O Plan de Avaliación do PO Emprego Xuvenil 2014-2020 está integrado por dous partes: unha parte xeral, que é común a todos os programas do FSE de España e que se recolle no "Plan Estratéxico Nacional de Avaliación do FSE. Período de programación 2014-2020", e unha parte específica do propio PO, que se recolle no "Plan de Avaliación durante o Período de programación 2014-2020. PO de Emprego Xuvenil".